LAIC

Laboratorio Audiovisual de Innovación e Creación

O Laboratorio Audiovisual de Innovación e Creación da Coruña é un espazo de encontro, colaboración e aprendizaxe para persoas e colectivos interesados na cultura audiovisual contemporánea, os novos medios e a transformación dixital.

O LAIC quere xuntar a diferentes axentes creativos da cidade (cineastas, produtoras, estudantes, docentes, profesionais da comunicación e do deseño, activistas, artistas, tecnólogas, especialistas en ferramentas dixitais) para compartir experiencias e boas prácticas de innovación audiovisual.

A misión é traballar coas comunidades en torno ao audiovisual e o dixital para visibilizalas, involucralas e facilitar a súa participación para acadar un obxectivo común, que é facer da Coruña un polo estratéxico de innovación, creatividade e boas prácticas, que xeren novas oportunidades e modelos de traballo sustentable nun sector en pleno cambio de paradigma marcado pola dixitalización e democratización dos medios.

Novas e actividades

Como podes participar?

No #LAIC queremos explorar as distintas maneiras de contar historias. Por iso, no 2020 achegarémonos ás narrativas dixitais, inmersivas e transmedia.

Aquí mesmo, e través das nosas redes, iredes coñecendo, pouco a pouco, as temáticas e datas concretas. Tamén recibiredes información de primeira man a través do noso boletín, ao que vos podedes subscribir desde aquí .

O que xa vos podemos adiantar é que as actividades do Laboratorio Audiovisual de Innovación e Creación desenvolveranse entre xaneiro e marzo de 2020 no centro Ágora.

Estas son as primeiras citas!

Ademais, na sesión do martes 17 de decembro presentarémosvos a programación completa desta nova tempada do #LAIC 😉

 

Mentres tanto, ademais do vídeo que acabas de ver e que resume como foi a pasada edición, aquí tedes a información das temáticas que traballamos no #LAIC 2019:

Contacto

Correo electrónico: laic@corunadixital.gal
Páxina web: laic.corunadixital.gal
Twitter: twitter.com/corunadixital
Grupo de Facebook: facebook.com/groups/ComunidadeLAIC/
Comunidade virtual: slack-coruna-dixital

Proxectos relacionados

Empece a escribir e pulse Enter para buscar