O Laboratorio Audiovisual de Innovación e Creación de Coruña Dixital comeza unha nova tempada coa charla sobre posibilidades e tendencias das narrativas transmedia no sector audiovisual da man de Roger Casas-Alatriste, fundador da produtora especializada El Cañonazo.
A primeira sesión complementouse cunha segunda xornada, orientada a coñecer as claves da construción dun relato transmedia. Nesta sesión Roger Casas-Alatriste compartiu o proceso creativo e comercial que El Cañonazo fai coas súas propostas, apostando pola pedagoxía cos clientes (sendo conscientes de que transmedia é un concepto moi manido xa, pero non suficientemente comprendido) e por un enfoque dos proxectos baseado nas necesidades narrativas.
A xornada inaugural supuxo tamén a ocasión de coñecer de primeira man a programación do #LAIC 2019-20, que, como xa temos comentado, estará adicado ás narrativas dixitais, inmersivas e transmedia.
E aquí tedes, por fin, as primeiras actividades nas que xa vos podededes inscribir!
- 18 de xaneiro: Laboratorio transmedia, con Andrea L. Lozano. Unha xornada práctica para iniciarse na creación dun proxecto transmedia, orientada a un público multisectorial: desde profesionais do sector audiovisual a persoas con proxectos culturais, educativos ou sociais interesados na aplicación das narrativas dixitais.
- 25 de xaneiro: obradoiro vídeo 360º e VR, con Rubén Lázaro (Siente VR). Unha xornada para aprender de maneira práctica as claves coas que desenvolver unha produción destas características e para profundar nas súas aplicacións.
- 30 de xaneiro: charla divulgativa sobre experiencias culturais inmersivas, con José Luis de Vicente (Sonar+D). Unha cita para coñecer a evolución deste tipo de propostas culturais e artísticas e cal é a súa situación no momento actual.
- 31 de xaneiro: sesión práctica sobre comisariado de proxectos expositivos inmersivos, con José Luis de Vicente (Sonar+D). Claves para desenvolver un proxecto destas características en base a estudos de caso.
- 04, 11, 18 de febreiro: laboratorio de innovación narrativa para ciberactivistas, con responsables do programa Ciberespect, da oenegué Ecos do Sur. Ferramentas e dinámicas para combatir de maneira eficaz o discurso de odio na contorna dixital..
- 05 de marzo. Teatro inmersivo e transmedia, con Belén Santa-Olalla (Conducttr). Xornada de dúas sesións independentes, nas que inscribirse de maneira conxunta ou por separado. Unha, en horario de mañá, é unha charla sobre as tendencias actuais e posibilidades do teatro inmersivo (máis información e inscrición aquí). E a outra, en horario de tarde, é un pequeno obradoiro orientado á construción dun proxecto teatral con narrativas transmedia e inmersivas (máis información e inscrición aquí).
Non son as únicas propostas desta nova edición do #LAIC, pero si as que neste momento teñen a inscrición aberta.
Proximamente irémosvos contando polo miúdo que máis propostas ofrece o Laboratorio. Para estar ao tanto delas, ademais de seguir esta web e as redes sociais de Coruña Dixital, recomendámosvos a subscrición ao noso boletín informativo: é a maneira máis doada de estar ao día de todas as actividades! 😉
