A Rede de Bibliotecas Municipais ofrece unha programación adicada ás persoas que queiran iniciarse no emprego de ferramentas informáticas e tecnolóxicas a través dunha variedade de obradoiros distribuídos polas diferentes bibliotecas da cidade.
Estes cursos son gratuítos pero é preciso inscribirse previamente acudindo presencialmente á biblioteca habitual, chamando por teléfono ou creando un perfil na plataforma Smart City, dentro do prazo que se describe en cada un dos eventos dos cursos.
Aquí tedes a lista de propostas formativas a desenvolver entre xaneiro e marzo:
Iniciación á informática, Internet e correo electrónico. Aprendizaxe a un nivel básico para o manexo destas ferramentas dixitais. Este curso terá lugar nas bibliotecas municipais Sagrada Familia, Monte Alto e Ágora:
- Biblioteca Sagrada Familia: Do 20 ao 31 de xaneiro (15:00-18:00). A inscrición remata o 20 de xaneiro.
- Biblioteca Monte Alto: Do 03 ao 14 de febreiro (16:00-19:00). A inscrición abre o 27 de xaneiro e remata o 03 de febreiro.
- Biblioteca Ágora: Do 10 ao 21 de febreiro (9:00-12:00). A inscrición ábrese do 03 ao 08 de febreiro.
Configuración do teléfono móbil. Aprendizaxe a un nivel básico nos centros Rosales, Ágora e Fórum Metropolitano:
- Biblioteca Os Rosales:
- Do día 27 ao 31 de xaneiro (16:00-19:00). A inscrición ábrese do 20 ao 27 de xaneiro.
- Do día 17 ao 21 de febreiro (10:00-13:00). A inscrición ábrese do 10 ao 15 de febreiro.
- Do día 23 ao 27 de marzo (16:00-19:00). A inscrición ábrese do 16 ao 21 de marzo.
- Biblioteca Fórum Metropolitano: Do día 02 ao 06 de marzo (9:00-12:00). A inscrición ábrese do 24 ao 29 de marzo.
- Biblioteca Ágora: Do 23 ao 27 de marzo (16:00-19:00). A inscrición abre o 16 e pecha o 21 de marzo.
Procesador de textos. Aprendizaxe para dar os primeiros pasos no deseño, elaboración e impresión dun documento.
- Biblioteca Sagrada Familia: Do 17 ao 21 de febreiro (15:00-18:00). A inscrición ábrese do 10 ao 15 de febreiro.
Seguridade en Internet. Aprende a configurar e preparar o teu dispositivo dixital para un uso seguro.
- Biblioteca Monte Alto: Do 09 ao 13 de marzo (9:30-12:30). A inscrición ábrese do 02 ao 09 de marzo.
Se queredes máis información, lembrade que, ademais da nosa web, tedes ao voso dispor a páxina das propias bibliotecas, onde atoparedes todo o relativo á súa actividade.
