O grupo GPUL, de usuarios e programadores de Linux, leva moitos anos vinculado á Facultade de Informática da Coruña, desde onde organiza e desenvolve moitas actividades relacionadas coas tecnoloxías e a cultura libres. Dentro desa dinámica, o colectivo técnico pon en marcha este outono GPUL School, unha iniciativa que pretende achegar a membros máis noveis da comunidade universitaria, así como a calquera outra persoa interesada, as tecnoloxías libres, co obxectivo de que lles sexan de utilidade na súa vida profesional.
A nova iniciativa ten xa varias actividades programadas:
- Impresión 3D para dummies
- Como facer a túa primeira aplicación Android en Java
- LaTex: de cero a Infinity
- Internet das cousas e Raspberry Pi
- OK Google! Que opinas de pagar para que unha multinacional te espíe na túa casa?
Tedes competa información sobre GPUL School na súa web, á que podedes acceder desde aquí. Tamén podedes coñecer mellor ao colectivo GPUL a través da sección “comunidade” da nosa web, onde podedes atopar a súa ficha completa.
