Narrativas Populares Contemporáneas

Grupo do LAIC, o Laboratorio Audiovisual de Innovación e Creación

As ferramentas creativas multimedia están ao noso alcance, a cultura do remix está integrada no noso consumo e prácticas dixitais e, ademais, temos a posibilidade de chegar con elas a moita xente.

Pero, que fai que un vídeo, un chío ou un meme se fagan virais? Como funciona a creación colectiva na rede?  É o humor un medio ou é un fin en si mesmo? Teñen interese cultural os gifs? Son as stories o formato audiovisual do futuro? Hai vida máis alá do LOL e do zasca en Internet?

No grupo de Narrativas Populares Contemporáneas do LAIC aprenderemos a incorporar estas novas linguaxes e ferramentas ao noso traballo creativo para desenvolver narrativas ricas que condensen a nosa mensaxe e sorprendan as nosa audiencia na rede.

Narrativas mutantes, raras, emocionantes, combativas, divertidas, que saian do convencional. Que nos axuden a comprender e a representar mellor este mundo tolo no que producimos e consumimos imaxes de forma compulsiva.

Como podes participar?

Se traballas no ámbito creativo, no eido da comunicación ou che interesan as posibilidades da creación dixital e transmedia para os teus proxectos, podes inscribirte aquí:

Reunirémonos regularmente no Centro Ágora (17h-20h), os venres 18 de xaneiro, 1 de febreiro, 15 de febreiro, 1 de marzo e 15 de marzo, ademais dunha sesión final que terá lugar o 22 de marzo.

Non o deixes pasar! As prazas son limitadas 😉

María Yáñez coordina o grupo de narrativas populares contemporáneas. 

María ten máis de vinte anos de experiencia como xornalista en medios dixitais e en numerosos proxectos vinculados, desde o audiovisual, a xeración de contidos e a investigación, a este ámbito. Actualmente dirixe a revista dixital Vinte, pero fai moitas máis cousas que podes ver aquí.

Este é o programa de narrativas populares contemporáneas previsto para este comezo de 2019:

Contacto

Correo electrónico: laic@corunadixital.gal
Páxina web: laic.corunadixital.gal
Twitter: twitter.com/corunadixital
Grupo de Facebook: facebook.com/groups/ComunidadeLAIC/
Comunidade virtual: slack-coruna-dixital

Proxectos relacionados