As comunidades técnicas GPUL, Coruña Developers e Árticos poñen en marcha esta nova edición de Coruña Hacks, consistente en tres hackathons (o segundo sábado de cada mes) e unha gala final con premios.

Neste segundo hackathon os equipos que se formaron no primeiro traballarán no desenvolvemento dos proxectos escollidos polo grupo. Como nas anteriores edicións, trabállase en proxectos con tecnoloxías libres que contribúan a mellorar a vida na comunidade.

Coruña Hacks dispón dun Slack (ao que podes acceder e unirte desde aquí) no que está centralizada a comunicación. Tamén un Meetup no que podes atopar máis información e inscribirte.