Relatorio de Pablo Grandío, director de Vandal, un dos medios de referencia do sector dos videoxogos en fala hispana, que achegará as claves para facer notas de prensa interesantes dende o punto de vista da prensa de videoxogos para así conseguir repercusión.

Esta charla, dunha hora de duración, será de especial interese para estudios de desenvolvemento que están a dar os seus primeiros pasos, así como para estudantes de desenvolvemento de videoxogos, mercadotecnia e outros ámbitos afíns ao emerxente sector do lecer electrónico.

Os interesados en acudir a este relatorio de Pablo Grandío, no que haberá tempo para expoñer dúbidas e comentarios, poden inscribirse de balde no correo electrónico info@ebf.com.es

Tedes máis información a través de EBF-Coruña,organizadores do evento, e neste artigo de Código Cero.