A asociación Bricolabs desenvolve un novo obradoiro da serie Entre Tuxes, vinculado ás actividades da feira tecnolóxica OSHWDem 2019, nesta ocasión centrado en GNU Privacy Guard, a ferramenta de seguridade de Software Libre que implementa cifrado de chave pública e os algoritmos máis avanzados para cifrar e asinar información que deberiamos protexer.

No taller se explicarán os conceptos do cifrado asimétrico e a autenticación descentralizada e distribuída, con exemplos prácticos de xeración e intercambio de chaves, cifrado e sinatura de mensaxes.

Para participar nesta actividade hai que ser maior de 18 anos e acudir cun portátil con GNU/Linux e o paquete gnupg instalado. Tedes máis información e o formulario de inscrición ao voso dispor aquí.