LaconNetwork, o encontro de profesionais do sector TIC galego, chega este ano á súa novena edición celebrando o encontro en dúas xornadas, fronte á xornada única habitual, que se desenvolverán en Palexco.

Na primeira xornada, a do xoves, desarrollarase unha Demo Day na que se presentará o informe Startup City, así como distintos proxectos, ademais da gala de entrega dos Premios TIC Galicia nos que se recoñecerá a mellor startup, a mellor campaña de marketing dixital e a mellor internacionalización, entre outras categorías. O venres terá lugar un congreso no que mesas de debate e relatorios abordarán temas como a innovación ou o investimento no ecosistema, permitindo a responsables de aceleradoras, empresarios recoñecidos e representantes de organismos relacionados coas TIC compartir as súas experiencias.

Tedes máis información sobre LaconNetwork na súa web, á que podedes acceder desde aquí.