A asociación GPUL organiza este encontro para compartir experiencias, entre profesionais cunha traxectoria como desenvolvedor*s en varias empresas e desenvolvedor*s que comezan. O obxectivo é facilitar uns consellos prácticos que eviten, na medida do posible, o choque entre as posibilidades da tecnoloxía e a realidade empresarial.

Tamén se abordará o software libre como ferramenta para cambiar o mundo, pero tamén para o desenvolvemento profesional.

A charla é gratuíta, pero é preciso inscribirse previamente no seu Meetup, ao que podedes acceder desde aquí.