O colectivo Coruña JUG convoca o primeiro Developer Vago na Coruña, consistente nunha charla-formación sobre un tema xenérico, pero importante, neste caso, o control de versións con git.

Será unha sesión onde se explicarán os conceptos claves dende o principio, para ir avanzando a temas máis complexos e boas prácticas.
Haberá slides e tamén programación en vivo.

Este é parte do programa da xornada, que durará en torno a 90 minutos:

• Traballar con varios repositorios remotes
• Resolver conflitos
• Facer unha pull request
• Rebase interactivo
• Stash

Haberá a posibilidade de facer pequenas intervencións (5 min.) para postas en común e un Kahoot no que se xogará unha licencia de JetBrains. Trala sesión, como é habitual nas convocatorias deste colectivo, todas as personas que participen poderán coñecerse e poñer en común opinións e experiencias nun ambiente moito máis distendido.

Podes inscribirte no Meetup de CoruñaJUG, ao que podes acceder desde aquí.