As comunidades técnicas GPUL, Coruña Developers e Árticos poñen en marcha  unha nova edición de Coruña Hacks, consistente en tres hackathons (o segundo sábado de cada mes) e unha gala final con premios.

Neste primeiro hackathon poderanse propoñer proxectos, faranse equipos de traballo e escolleranse as propostas máis interesantes para comezar o seu desenvolvemento. Como nas anteriores edicións, traballarase en proxectos con tecnoloxías libres que contribúan á mellorar a vida na comunidade.

Coruña Hacks dispón dun Slack (ao que podes acceder e unirte desde aquí) no que está centralizada a comunicación e no que xa se poden propoñer proxectos sobre os que traballar. Tamén un Meetup no que podes atopar máis información e inscribirte.