Na Biblioteca Infantil e Xuvenil Durán Loriga, a través do programa BiblioTECH, ofrecerase un obradoiro no que se afondará no concepto de hackear como curiosidade. Poderán participar rapazas e rapaces de entre 8 e 14 anos.

A través desta perspectiva do hackeo tratarase de pensar na música non só dende unha postura de oínte, senón tamén cun papel de interacción co que se está a escoitar.

Para obter máis información podes entrar na páxina web. As prazas son limitadas e podes inscribirte dende o 22 ata o mesmo 29 de febreiro. Apúntate acudindo presencialmente á túa biblioteca, chamando por teléfono ou creando un perfil na plataforma Smart City.