Na Biblioteca Infantil e Xuvenil Durán Loriga, a través do programa BiblioTECH, ofrecerase un obradoiro  destinado a que nenos e nenas de entre 7-8 anos se inicien na holografía e na experimentación coa luz.

Neste taller verase a ciencia que existe tras esta tecnoloxía desenvolvendo dispositivos que permitan visualizar imaxes  holográficas empregando materiais reciclados e elaboraranse simulacións  holográficas, afondando tamén no concepto propio da luz.

Para obter máis información podes entrar na páxina web. As prazas son limitadas e podes inscribirte dende o 07 ata o 14 de febreiro. Apúntate acudindo presencialmente á túa biblioteca, chamando por teléfono ou creando un perfil na plataforma Smart City.