A área de Igualdade do Concello da Coruña organiza a segunda quenda do seu obradoiro gratuíto para mozos e mozas de entre 14 e 17 anos que leva por título Mete ficha con xeito! O ligoteo en Instagram.

No taller, que ten o sábado 2 de febreiro unha primeira convocatoria, abordaranse os usos desta rede social e a súa vinculación ás relacións persoais, xerando un espazo de confianza no que as persoas participantes poidan formular as súas reflexións e inquedanzas sobre esta cuestión.

Cada un dos obradoiros dispón de 25 prazas. Para poder participar, as persoas interesadas debedes contactar co Centro de Información ás Mulleres a través do correo electrónico cim@coruna.es antes das 14.00 horas do 25 de xaneiro. As prazas outorgaranse segundo a data de recepción das solicitude.

Toda a información sobre esta iniciativa, así como outros programas, está na web municipal www.coruna.gal/igualdade