Nesta edición Coruña Dixital estrea espazo no centro Ágora. Será onde se desenvolvan a meirande parte das actividades, como por exemplo as do #LAIC, pero tamén é un lugar onde esperamos que sucedan moitas máis cousas:

• Que te animes a coñecernos e a presentarte, a ti e/ou ao teu colectivo
• Que aproveites para facer consultas ou suxestións
• Que nos expliques cal é o proxecto que che gustaría presentar e compartir para que poidamos axudarte a facelo
• Que contactes con xente con intereses e afeccións comúns

Para que todo iso pase, o principal é que veñas. Este próximo venres 18 de xaneiro, de 12h a 14h, abriremos por primeira vez as portas do noso recuncho no centro Ágora, que a partir deste momento estará operativo varios días á semana.

Estaremos encantad*s de coñecerte e recibirte na comunidade de Coruña Dixital! 😉