O colectivo técnico GPUL organiza unha charla, dentro do seu programa GPUL Labs, na que se fará unha introdución á linguaxe Open Source de programación Go, desenvolvido e soportado por Google e a comunidade, revisando tamén os seus aspectos técnicos fundamentais.

Tamén falarán dos cambios nos ciclos de desenvolvementos que supoñen adoptar esta linguaxe e de como estes poden beneficiar a unha empresa no seu día a día, amosando tamén algún exemplo de código.

Coruña Dixital  apoia esta cita, facilitando a súa celebración no centro Ágora. Se vos queredes inscribir e ter máis información, entrade no Meetup da actividade,  ao que podedes acceder desde aquí.