O colectivo técnico Coruña JUG organiza unha charla coa poñente Laura M. Castro, unha profesional de referencia no ámbito da docencia e a investigación, ademais de ser unha das impulsoras de HelloSisters, unha iniciativa vinculada á Universidade da Coruña que traballa pola igualdade no eido tecnolóxico.

Laura Castro falará acerca das vantaxes de traballar con Elixir e a programación funcional, coa perspectiva dunha profesional familiarizada co mundo Java.

Coruña Dixital apoia esta cita, facilitando a súa celebración no Centro Ágora. O rexistro para participar nesta actividade faise a través desta páxina de Meetup, onde tamén atoparedes máis información.