O CITIC , en colaboración con COGAMI, organiza un curso de programación visual baseada en bloques e placas Makeymakey, Microbit, Playground e Arduino para o desenvolvemento de contidos de intervención, rehabilitación e domótica en persoas con discapacidade.

Este curso, Novos recursos TIC para produtos de apoio , está especialmente destinado a persoas da Confederación e a calquera persoa interesada no desenvolvemento de contidos que poden ser aplicados para traballar con persoas con discapacidade.