Un seminario de catro horas impartido por un youtuber e dous profesionais de 2btube, no que adultos/as e mozas/os da Coruña cun proxecto de canle de YouTube aprenderán a xestionalo e a quitarlle o máximo partido. Unha formación xeral para coñecer YouTube como plataforma e as oportunidades que ofrece segundo os teus obxectivos. Aprenderás sobre estratexia, posicionamento, boas prácticas...e moito máis da man de recoñecidos expertos no sector:

2btube é unha axencia de representación de talentos dixitais. Como productora de contido dixital e axencia de medios para a next generation, 2btube conecta a organizacións e empresas coas novas xeracións, difíciles de alcanzar a través de medios tradicionais. É a primeira rede de talentos hispanofalantes, segundo o ranking da industria socialblade.com.

Sebas G. Mouret, El Coleccionista de Mundos, é de Meira (Lugo), estuda Xornalismo en Madrid e ten paixón pola literatura. Sebas devora unha morea de libros para dicirche  cada mes cales foron os seus favoritos no seu canal de YouTube. Unha paixón da que fixo a súa profesión como o booktuber máis exitoso de España. Se che gusta a literatura, este é, sen dúbida, o teu canal.

1. Que é YouTube como plataforma. Como che pode axudar unha canle de YouTube a nivel profesional. Impartido por Patricia González, Directora de Marketing de 2btube.
2. Profesionalización dunha canle de YouTube, estratexia de imaxe, redes sociais e o que precisas saber. Impartido por Teresa Guerra, Talent Manager de 2btube
3. Charla dun youtuber que como profesional posúe un canal de YouTube e explicará o seu caso de éxito. Impartido por Sebas G. Mouret, El Coleccionista de Mundos.

Entrada gratuíta. Esgotadas as localidades. Para apuntarte á lista de espera envíanos un email a laic@corunadixital.gal.