A Aula CeMIT inclúe na súa programación de febreiro un curso adicado a persoas maiores de 55 anos que queiran aprender a usar o móbil.

Neste obradoiro ensinaranse as pautas básicas do funcionamento dos móbiles, así como se solucionarán as dúbidas que poidan ter as persoas participantes para facer a súa experiencia máis doada, adquirindo así unha maior autonomía persoal.

O curso terá lugar os martes e xoves do 11 ao 20 de febreiro. É necesario ter coñecementos básicos de informática e aportar móbil propio. Podes realizar a inscrición facendo click neste enlace.

O prazo de inscrición remata o 7 de febreiro. Aquí tes a programación completa e os criterios de participación.