O Kit de Activación Dixital está operativo dende o pasado día 3, pero ese mesmo día comezou a súa segunda etapa: a de achegas da cidadanía para completar a guía metodolóxica que ofrece este espazo dixital.

Búscanse experiencias relacionadas co emprego do audiovisual e a comunicación dixital nos ámbitos educativo, cultural e social para sumalas ás que xa hai recollidas e rexistradas na guía actual, que ten carácter provisional. O propio espazo web do Kit ten un apartado, Achegas, no que se accede a un formulario online e se formaliza a aportación.

O prazo de recollida de experiencias e proxectos remata o día 28 de febreiro.  O 15 de marzo, na web do Kit estará dispoñible a guía metodolóxica xa definitiva, tamén en formato PDF descargable.