A Vídeo-Regueifa! que organiza o Festival de Cinema Fantástico da Coruña consiste nun duelo de videoplaylists: dúas persoas, nesta ocasión os creadores Lois E. Froiz e Álvaro Dorda, teñen preparada unha selección de vídeos de Internet.

Ambos proxectarán os seus vídeos de forma alternada, como nun combate por asaltos. Os vídeos seleccionados deben responder ao tema "utopías e distopías" e proceder de cantos máis xéneros audiovisuais, mellor.