Este xoves, na ETS de Camiños, Canais e Portos, a Universidade da Coruña desenvolve unha sesión informativa sobre as titulacións que incorpora para o vindeiro curso académico.

As persoas que asistan recibirán información sobre o grao dual de Enxeñaría Eléctrica e dos graos en Ciencia e Enxeñaría de Datos, en Xestión Dixital de Información e Documentación  e en Creación Dixital, Animación e Videoxogos.

A xornada está especialmente indicada para o futuro alumnado e as súas familias, pero tamén para profesorado e orientadores e nela facilitarase información sobre os plans de estudos, perfís de acceso e saídas profesionais entre outras cuestións.