O xoves 14 de marzo a sala Cloud do CITIC acolle esta xornada,  impartida por Carlos Cosials Ruiz, IoT Senior Biz Consultant de PLM Integral, e Josep Ortega, Channel Business Development Manager para Iberia&MEA de PTC.

O seu principal obxectivo é dar a coñecer aos asistentes a súa plataforma de IoT e realidade aumentada, así como distintas solucións que aúnan as contornas físicas e dixital (CAD, CAE, PLM) para reinventar o xeito de deseñar, fabricar, operar, reparar ou manter os produtos na industria 4.0.

A xornada, de inscripción gratuíta, está dirixida a investigador*s e comunidade universitaria. A inscrición péchase o 13 de marzo ás 14h, as prazas son limitadas e adxudícanse por orde de inscrición. Se estás interesad*, podes solicitar a túa a través do formulario que atoparás na súa web, onde está tamén o programa completo.