O centro social autoxestionado Nave 1839 convoca este obradoiro de creación e experimentación sonora impartido por Martí Guillem, un artista heterodoxo que manipula trebellos electrónicos, sons, imaxes, vídeos, accións e obxectos.

As persoas que asistan ao taller aprenderán a construír un pequeno sintetizador con algúns osciladores reactivos á luz. Tamén aprenderán como controlar o volume e a frecuencia do son de diferentes modos.

As prazas están limitadas a 20 persoas. Non é necesario ter experiencia previa en electrónica, polo que calquera persoa curiosa pode inscribirse enviando un mail co seu nome e apelidos a actividades@nave1839.org

O prezo da inscripción é á vontade. Ademais, as persoas interesadas en seguir experimentando pola súa conta poderán adquirir un kit. Logo do obradoiro (ás 21:00h, tamén á vontade), Martí ofrecerá unha mostra sonora de DLIGHT, o seu último proxecto, que se basea no efecto sinestésico  da luz/son/luz.