A facultade de Informática da Universidade da Coruña, Women in Games, CEXEF e Campus Innova organizan estas xornadas internacionais adicadas ao ámbito dos videoxogos e ás profesionais que desenvolven o seu traballo neste eido.

Este ano celebran a súa segunda edición, que será integramente en liña e aberta, sen precisar inscrición previa. Haberá relatorios e conversas con mulleres profesionais de referencia e unha exposición virtual adicada ás pioneiras do videoxogo.

Toda a programación, as referencias das convidades e os accesos ás distintas propostas están na súa web, á que podedes acceder desde aquí.