A área de Servizos Sociais do Concello da Coruña organiza este obradoiro gratuíto dentro do seu programa de envellecemento activo.

O curso está dirixido a persoas maiores de 55 anos e orientado a mellorar, dun xeito ameno e dinámico, o emprego de teléfonos intelixentes, tabletas gráficas e redes sociais.

Para participar no taller, que se desenvolverá os venres entre outubro e novembro no centro cívico Palavea, hai que inscribirse presencialmente do 16 ao 18 de setembro, en horario de 11:00 a 13:00 e de 17:00 a 20:00.