Tralo éxito da anterior cita, convócase unha nova edición de Laretas Geek, nesta ocasión centrada nas comunidades tecnolóxicas de Galicia. Colectivos como Coruña JUG que, xunto con Vigo JUG e Vigo Tech, organizan este encontro.

Trátase de novo dunha cita virtual, e, como sempre, participativa e cun tempo para a conversa distendida que vén a ocupar o lugar da quedada posterior que se desenvolvía no ámbito presencial.

É preciso inscribirse previamente. Podédelo facer, e ampliar información sobre relator*s e plataformas nas que ver o encontro, no seu Meetup, ao que podedes acceder desde aquí.