Retómanse as sesións de Distopías Cotiás, encontros mensuais nos que reflexionar e debater sobre o impacto das tecnoloxías nas nosas vidas.

Cando arrancou esta iniciativa, fai tan só un par de meses, nunca pensamos que o noso día a día podería converterse nunha auténtica distopía cotiá. Pero aquí estamos, cun terceiro encontro no que abordar precisamente este momento actual.

A temática xirará arredor das tensións se están a producir no uso da tecnoloxía: entre a seguridade colectiva, o reto epidemiolóxico e os dereitos da cidadanía, especialmente a nosa privacidade.

Contaremos con Gemma Galdón, analista e consultora de políticas públicas no ámbito dixital. Residente na cidade, está especializada no impacto social, legal e ético da tecnoloxía, sobre o que tamén realiza unha intensa actividade divulgadora.

Aínda que se celebrará en liña, o formato seguirá a ser o dunha charla breve introdutoria (30' aprox.) e un posterior espazo de conversa.

Se queres atopar máis información ou inscribirte nesta nova cita, podes facelo a través do seu evento de Meetup. Nel tamén se compartirá o enlace para ver a conversa e participar enviando preguntas e reflexións, que compartiremos en directo.