A Aula CeMIT lanza un curso de busca de emprego a través de Internet e redes sociais no que formarse nun uso intelixente da Rede de cara a un proxecto profesional.

Nas aulas abordarase o uso do correo electrónico e de portais web e redes sociais para a busca de emprego, como crear un rexistro de usuario, o control de ofertas e alertas e, finalmente, o enfoque dun currículo.

Para este curso, que terá lugar os martes e xoves do 14 ao 23 de xaneiro, requírense coñecementos mínimos de manexo do ordenador e de Internet. Podes realizar a inscrición ata o 13 de xaneiro facendo click neste enlace.

Aquí tes a programación completa e os criterios de participación.