A asociación Adicae organiza esta xornada aberta, no marco das xornadas nacionais que celebra a entidade. Consiste nun formato distendido de varias charlas (a través de videoconferencia) e café na sede de Adicae, neste caso centradas no e-commerce: o sistema de compra e venda de produtos e servizos que emprega a Rede como medio principal de intercambio.

O obxectivo desta proposta é ofrecer información sobre o tema a tratar, pero tamén dar a coñecer a asociación e a súa labor nun contexto próximo.

A actividade é gratuíta, pero por cuestións de ocupación é preciso inscribirse previamente en galicia@adicae.net, onde tamén podedes solicitar máis información.