O vindeiro 2 de xuño Coruña Hacks celebra unha nova xornada, a última antes do verán, como vén sendo habitual no centro Ágora (10h-20h). É o cuarto dos hackatóns desenvolvidos por GPUL, Árticos, GDG Coruña e Coruña Developers dende o pasado mes de marzo, co código aberto como ferramenta fundamental para acadar un obxectivo: desenvolver proxectos de aplicacións, algunhas delas encamiñadas a resolver cuestións previamente suxeridas polos usuarios.

O Concello do Coruña vén colaborando con esta actividade a través do programa Coruña Dixital, co apoio tamén do Laboratorio Cidadán Co-Lab da área de Participación e Innovación Democrática

Tedes máis información do que ten sido Coruña Hacks na web da iniciativa, así como un meetup para seguir os eventos e un slack para os que queirades formar parte da comunidade.