Como ben saben as persoas que seguiron Xogo de Tronos, un dos aspectos máis impactantes da serie son os seus efectos visuais. Unha das empresas encargadas do seu desenvolvemento foi a española El Ranchito, que asumiu o reto de darlle vida a algúns personaxes, así como a ambientación e creación dixital dalgunhas localizacións.

Nesta sesión especial os responsables da produción dos efectos visuais da serie mostrarán como foi a transición e adaptación da empresa, explicando os procesos que se levaron a cabo desde o inicio ao final da produción. Tamén como axustan as ferramentas e os recursos en función das necesidades da produción.

A actividade é gratuíta, pero é necesario inscribirse previamente. Podédelo facer  desde aquí.